केपी ओली प्रचण्ड माधव नेपाल एमाले


नेकपा एमालेका अध्यक्ष केपी शर्मा ओली आज गृह जिल्ला झापा प्रस्थान

sahayatra
On : 24 October, 2021

काठमाडौं कार्तिक ७, पूर्व निर्धारित कार्यक्रम अनुसार ओली आज विहान १० बजे यती एअरलाइन्सको काठमाडौं–भद्रपुर झापा प्रस्थान गरेका छन ।

त्यस्तै आजै साँझ मेची क्राउन होटलमा अगुवा कार्यकर्ताहरुसंग भेटघाट गर्ने छन ।भोली बिहान आफ्नो निर्वाचन क्षेत्र झापा ५ को गौरादह नगरपालिका ५ महारानीझोडामा साना किसान महिला सहकारी संस्थाले निर्माण गरेको पाहुना घरको अध्यक्ष ओलीले उदघाटन गर्ने कार्यक्रम रहेको छ ।

त्यस्तै दिउँसो १२ बजे सिमावर्ती गौरीगञ्ज बजारमा आयोजित शुभकामना आदानप्रदान कार्यक्रममा ओली सहभागी हुनेछन । दसैं, तिहार,नेपाल सम्वत्, छठ लगायतका पर्वहरुको अवसरमा स्थानीय पार्टी कमिटीले शुभकामना आदानप्रदान कार्यक्रम आयोजना गरेको हो । यो ठाउँ अध्यक्ष ओलीको निर्वाचन क्षेत्र हो ।

त्यहाँ पार्टीका पुराना कार्यकर्ता र आफूलाई भूमिगतकालमा आश्रय दिने आश्रयदाता र उनीहरुका परिवारसँग पनि भेटघाट गर्ने कार्यक्रम रहेको छ । त्यस्तै भोलि साँझ ५ः३० बजे विराटनगर स्थित होटल हेरिसनमा पार्टी प्रवेश कार्यक्रममा ओली सहभागी हुनेछन ।अध्यक्ष ओली ९ गते बिहान यती एअरलाइन्सको उडानबाट काठमाडौं फर्कने कार्यक्रम रहेको छ ।

 

 

प्रतिक्रिया दिनुहोस्