घोराहीमा एमालेका उम्मेदवार तीन हजार भन्दा बढी मतले अगाडि
सहयात्रा टिभी
काठमाडौं। ज्येष्ठ ३, दाङको घोराही उपमहानगरपालिकामा गठबन्धनका उमेदवारलाई पछि पार्दै एमालेका उम्मेदवारले आफ्नो अग्रता फराकिलो बनाउँदै लगेका छन ।
४१ हजार ६ सय २० मत गन्दा मेयरमा एमालेका उम्मेदवार नरुलाल चौधरीले १७ हजार ४ सय ९५ मत ल्याउनु भएको छ । गठबन्धनका तर्फबाट माओवादी केन्द्रका हेमराज शर्माले १४ हजार २ सय २ मत प्राप्त गर्नुभएको छ । चौधरी र शर्माबीच ३ हजार २ सय ९३ मतान्तर रहेको छ ।
यस्तैगरी उपप्रमुखमा पनि एमालेको अग्रता रहेको छ । एमालेका हुमा डिसीले १७ हजार ७२ मत प्राप्त गर्दा उहाँका प्रतिस्पर्धी कांग्रेसका भुव बहादुर डाँगीले १५ हजार ९ सय ८५ मत प्राप्त गर्नुभएको छ ।
डाँगी र डिसी बिच १ हजार ८७ मतान्तर रहेको छ ।
घोराहीमा अहिले सम्म १,२,१३,१६,१७,१८,१९ लगायत ८ वडाको मतगणना सम्पन्न भएको छ भने ११ वडाको मतगणना जारी रहेको छ ।